Андрей Арловский: Би тархины наалдангитай юм шиг харагдаад байна уу?

UFC холбооны хүнд жингийн аварга асан Белорус улсын 32 настай тамирчин Андрей Арловский сүүлийн дөрвөн тулааныхаа гуравт нь гүн нокаутаар ялагдсанаас хойш, түүнийг цохилт даах чадвараа алдсан тухай яриа гарах болсон билээ. Арловский ирэх 7 хоногийн 27-нд ProElite холбооноос Хонолулуд зохиох тэмцээний гол тулаанд оролцох бөгөөд уг тэмцээнийг угтаж зохиосон хэвлэлийн бага хурлын үеэр сэтгүүлчид цохилт даах чадварынх нь тухай асуухад, тэрээр уураа барьж чадалгүй нилээн ширүүн хариулт өгчээ.

"Алив, наад [цензур] яриагаа орхивол яасан юм?! Намайг наад тархины наалданги, цохилт даахаа больсон тухай [цензур] тэнэг асуултууд чинь залхааж гүйцлээ! Энэ бүхэн бол [цензур], үнэнийг хэлэхэд уур хүрч байна. Үүнийг хэн зохиогоод байдгийг би мэдэхгүй. Миний бие сайн байгаа, бүх юм сайхан байна. Би [цензур] тархины наалдангитай юм шиг харагдаад байна уу?! Би үүнийг ойлгохгүй юм. Дараагийн асуултдаа шилжье."

Андрей Арловский - Фёдор Емельяненко 2009.01.24

Андрей Арловский - Брэтт Рожерс 2009.06.06

Андрей Арловский - Сергей Харитонов 2011.02.12