Уг ярилцлагыг португал хэлнээс орчуулж BlogMMANews блогд нийтлэгдсэн хэсгийг хүргэж байна.
Силва Соннены тухайд: "Бэлтгэл хангагчаар өөрийг чинь чин сэтгэлээсээ дасгалжуулах тийм хүнийг олж сонгох хэрэгтэй байдаг, тэр (Оками) буруу хүнээ сонгож. Би хэзээз ч азгүй хүнээс үлгэр жишээ авдаггүй. Азгүй гэж цоллох олон шалтгаан бий. Тэр (Соннен) тулаанд ялж чадаагүй, сэргээш хэрэглэж баригдсан, хууль зөрчиж шүүхээр орсон, одоо бүүр UFC-д тулалдах эрхээ хасуулчихаад байна. Аварга болмоор байгаа бол хүний сайныг нь олж нөхөрлөх хэрэгтэй.
Түүнээс гадна Соннен миний хувьд тийм ч хэцүү өрсөлдөгч байгаагүй. Тэр тулаанд миний хавирга цуурсан байсан ч би таван үе тулалдсан. Би бэртэлгүй байсан бол тэр тулаан өөрөөр өрнөх байсан юм" гэж хэлжээ.
Андерсон Силва аваргын цолоо хамгаалах тулаанд Чел Соннентой нодлин жилийн 8-р сард учирч таван үе тулалдаж 5-р үеийн 4 дэх минутанд хөл гурвалжилж боох мэхээр Сонненыг буулгаж авах хүртлээ өмнөх бүх үед оноогоор ялагдсан юм. Жингийн ангиллаас үл хамаарах дэлхийн шилдэг тулаанч маань UFC дэх карьертаа ялагдалд хэзээ ч тийм ойрхон байж үзээгүй юм.
UFC-д Андерсон Силватай илүүрхэн тулалдсан хүн Сонненоос өөр байгаагүй тул Дана Уайт даруй уг хоёр тамирчны дунд даага нэхэх тулаан товлосон ч удалгүй Чел Сонненны шинжилгээнд өгсөн шээсний сорьцоос сэргээшийн төрлийн бодис илэрч, АНУ-ын нутаг дэвсгэрт нэг жилийн хугацаатайгаар аливаа спорт арга хэмжээнд тамирчны хувиар оролцох эрхээ хасуулсан юм.
Соннены бүтэлгүйтэл үүгээр дууссангүй, тэрээр их спортын хажуугаар үл хөдлөх хөрөнгийн худалдагч (риэлтор)-ийн ажил хийж байхдаа бохир мөнгө угаасан үйлдэл нь өнгөрөгч 1-р сарын эхээр илэрч, шүүхээс $10 000 торгуулж, хоёр жилийн тэнсэн авчээ.
No comments:
Post a Comment