Жозэл Дистак: Лиото Жон Жонсыг хүнд байдалд оруулж мэднэ

Маурисио Руаг ялж UFC холбооны хагас хүнд жингийн шинэ аварга болсон АНУ-ын тамирчин Жон Жонсыг олон тамирчин онилоод байгаа ч, 23-хан настай түүнийг, Андерсон Силва, Жоржс Сэнт-Пьерр нарын адилаар, жиндээ өрсөлдөгчгүй болтлоо шахуу бүгдийг нь арчаад гарах чадвартай гэлцэж байна.

                                                           Жон Жонс



Андерсон Силвагийн дасгалжуулагч Жозэл Дистакийн үзэж байгаагаар, Жонсын том бие нь ирээдүйд өөрт нь ихээхэн бэрхшээл авчирах юм байна.

"Жонс өсч яваа, тэр нас залуу байгаа болохоор одоогийн жин нь түүнд саад учруулахгүй байгаа байх. Тэр маш өндөр, урт гартай... Тэр жиндээ удахгүй л болов уу. Тийм нуруулаг юм чинь яваандаа жин ахих байх." 

                                            Пауло Фильо, Жозэл Дистак

Жонс Лиото Мачидатай учирвал юу болох тухайд Дистак:

"Жон Жонс бол тамирчны хувьд маш их өссөн хүүхэд. Би холимог тулааны мэргэжилтний хувьд хэлэхэд, Лиото тулааны маш өвөрмөц арга барилтай учраас тэр Жон Жонсыг дийлнэ. Миний мэдэхийн Жон Жонс сөрч довтолдог тулаанчтай учирч байгаагүй, тиймээс түүний хувьд хагас хүнд жинд Лиото маш хэцүү өрсөлдөгч нь байх болов уу. Жонс Лиототой учирвал маш их бэрхшээлтэй тулгарна, тэгээд залуу хүн учраас балмагдаад зориг нь мохно. Хэрэв тэгвэл ялалт Лиотогийх л гэсэн үг" гэжээ.

                                          Чинзо Мачида, Лиото Мачида

Үүний өмнөхөн Маурисио Руа ч гэсэн: "Лиото Мачидаг онож цохиход их хэцүү, өвөрмөц арга барилтай учраас Жон Жонсыг дийлнэ. Хэрэв тий тулаан болвол бооцоогоо Мачида дээр тавина" гэж байсан юм.