Рё Чонан: Сатоши зүгээр байгаа

Бээжингийн Олимпийн жүдо бөхийн аварга Японы залуу тамирчин Сатоши Иши Фёдор Емельяненкотой хийсэн тулаандаа толгойндоо хүнд гэмтэл авсны улмаас тамирчны карьераа үргэлжлүүлэх боломжгүй болоод байгаа тухай анх Cyzo.com сайт (Cyzo сонины цахим хувилбар) мэдээлж, уг мэдээ цахилгааны хурдаар бүх ММА порталуудаар тархсан билээ. Тэгвэл Ишигийн найз болоод бэлтгэл хангагч Рё Чонан TheGarv.com сайтаар дамжуулж, үүнийг ташаа мэдээлэл гэж хэлжээ.

"Сатоши Ишигийн эрүүл мэнд сайн байгаа."

Гэвч Иши "тархинд нь үүссэн их хэмжээний цусан хураанаас болж зодог тайлж магадгүй" гэсэн мэдээллийг өөрөө батлаачгүй, үгүйсгээчгүй байгаа юм.