Golden Glory: Бид Оверимийг UFC-тэй онцгой гэрээ байгуулахыг зөвшөөрч байна

Нидерландын Golden Glory клуб болон UFC холбоо хооронд үүссэн маргаан удахгүй нэг мөр шийдэгдэх бололтой. Golden Glory клубын менежер Бас Бун түрүүлж буулт хийж, UFC-тэй хамтын ажиллагаагаа сэргээх хүслээ илэрхийлэн албан ёсны мэдэгдэл гаргалаа.

Бас Бун, Алистар Оверим

"Бидний хүсч байгаа зүйл бол сайн тамирчдыг бэлдэж, үзэгчдэд сонирхолтой тулаан бэлэглэх явдал. Бидэнд тэмцээн хамтран зохион байгуулах ямар ч санаархал байхгүй. Бидний талаас Алистар Оверимийг UFC-тэй онцгой гэрээ байгуулахад бэлэн байна."


"Тамирчдын хөлсийг UFC-ийн хэлсний дагуу хийдэг байсан. Дана Уайт биднийг UFC-ийн хөлс олгох журмыг хүлээн зөвшөөрөөгүй гэж хэлсний учрыг ойлгохгүй юм. Бид тэдний журмыг зөвшөөрдөг бөгөөд хамтран ажиллахаас хэзээ ч татгалзаж байгаагүй. Түүгээр барахгүй, бид Ванкуверт Zuffa-гийн өмгөөлөгчтэй ярилцаад, тамирчид болон ивээн тэтгэчидтэй холбоотой асуудлыг хүртэл UFC-ийн хүссэнээр шийдвэрлэсэн. Магадгүй жаахан үйл ойлголцол гарч, хөлс олгохтой холбоотой бүх асуудал шийдэгдсэн гэдгийг Дана мэдээгүй байж болох юм."


Тайлбар: "Онцгой гэрээ" нь дараах гурван нийтлэг зүйлтэй байдаг:

- тамирчин тухайн холбооны тэмцээнээс гадуур өөр тэмцээнд оролцохгүй байх үүргийг хүлээнэ;
- тамирчин холбооны аварга болсон тохиолдолд, гэрээгээр хүлээсэн тооны тулаан хийж дуусгасан ч, аваргын цолыг хамгаалах тулаан хийхээр гэрээ автоматаар сунгагдаж байна;
- тамирчин аваргын цолоосоо сайн дураар татгалзаж, өөрийн санаачилгаар гэрээг цуцалсан бол нэг жилийн хугацаанд өөр холбоонд тулаан хийхгүй байх үүргийг хүлээнэ.


Жич: UFC нь бүх тамирчидтай онцгой гэрээ байгуулдаг юм.